SIANKU DO BANGSAKU

SIANKU DO BANGSA KU

Pinumosarahan dii: Allan G Dumbong

Yoku, songulun tanak Kadazandusun

Poinsusuai, pasal okudi bangsaku

Doid pointongkop id pomogunan

Nga kumaus oku pasal bangsaku

Kumaus oku tulun ku sondiri

Iti tulun tokou ulak-ulakan tulun suai

Budu ti tulun Kadazandusunkah

"Sanang disusunkah"

Mogiginum nopo ti tulun Kadazandusunkah

Iti Kadazandusun nga "Ph.D" nogikah

Au apandai ti yulun Kadazandusunkah

Au nogi monulung tulun sondiri kah

(om itokou nga koboros nogi miagal dilo somoonu)

Iti noh iti kadazandusun mogipapatai sondiri nopo kah

Otopot nangku gia iti

Intangan tulun suai, aiso miagal diti

Kaus ku do bangsa ku

Soira dii tokou kaanu misompuru

Soira dii tokou do pantagon tulun suai

Soira dii tokotou do au ulakan tulun suai

Soira dii do komogot om agaras tokou

Baino mogisusuwai tawayaan tokou

haro nogi papadagang tanah molohing kumaa tulun suai

Ih tinungkusan tokou au pantangon

Owian tokou moti tanah suwai tadau

Kagagang insan tadau

Mosik mantad todop om aiso no tanah

Om nokopipit no id disan

Miontong tokou nopo diri tanah tokou naanu wokon

Nawansayan walai tangalawa

Molongkolong ngaawi lampung

Nga wokon nodi sanganu

Kaus ku tulunku

Soira tokou ma katama

Soira tokou kiwaro luguan

Lundu momuruan wayaan tokou

Mongoi insan tadau

Koingakakat tokou, pantangon wokon

Om Ounsikou tokou momusoro

Bangsa Tokou sondiri