SUSUI DIODUKU

(Boros om tangon dit alawa nanu ku mantad Blog di Nak)

Sarapo ku bolobou minsusuwab
Mangkus tangkus moi hilo'd tidong
Orosian adahan irak irakan do tulun
Moi pomuhau moi poguyung
Nung adahan nopo
Om songirak irak ie kara
Mangawi rawo'd paraiku
Ie mumbal nogi'd mansak
Tolibaiku ie logos tokodo
Atamis ie waig om ananatau
Gungguli oku wagu hiri'd lokos
Wilihai ku ie wakidku id disan di kanagasan
Nokokito oku'd gipan
Asakoku ie lokos tokodo
Sinonsongku ie waig ruon do moyitap
Nopitanga towuhuku
Gipan, tongkuyu mirolot do rokot
Pongotu oku'd luyo
Sorou sorohon do poroloton di nasakanku
Korikot oku'd tidong
Songgiyak giyak ie kara
Soira'd ginura'anku ie tompukili
Noinsanan minogidu
Sontundok tundok om santangkus tangkus
Soira nakaladsak ie tadau
Pagapui oku id disan di tumo
Pagango ku ie nasakanku id suang do poring di linapak
Kodutonku ie gipan
Kodutonku ie rokotIe kanggip di tongkuyu sosop sosoponku
Okonko nunu
Osorouku ie tanganak id walai
Makan monorinapa do tusi....

Posted at 10:59 am by Dillema